الأسئلة الشائعة

في الغرف الداخلية، مسموح لمرافق واحد بالمبيت مع المريض. لو حاسس إنك محتاج شخص معاك طول الوقت لأي سبب، قوله للممرضة المسؤولة وهي هتساعدك تنظّم الموضوع.

من وقت الدخول أو بعده بوقت قصير. هنوضحلك إيه اللي داخل في الخدمة، وإيه اللي ممكن يكون له تكلفة إضافية، وإيه اللي التأمين أو التعاقد بيغطيه — من الأول، مش بعد العلاج. لو عندك أي سؤال مالي في أي وقت، اسأل المسؤول المالي المتاح لك.

في مستشفى الدلتا الدولي: الكشف العادي 40 جنيه، المسالك 200 جنيه، الأنف والأذن 200 جنيه. في مستشفى المستقبل التخصصي: الكشف العادي 100 جنيه، المسالك 300 جنيه، الأنف والأذن 300 جنيه. أي عيادة تانية، سعر كشفها بيتأكدلك وقت الحجز.

ده بيفرق حسب شركتك. في تعاقدات بالفوترة المباشرة، يعني المستشفى بتحاسب الشركة وإنت مبتدفعش في الاستقبال اللي التعاقد بيغطيه. وفي تعاقدات إنت بتدفع كاش في الاستقبال وترجع تسترد من شركتك أو نقابتك بعدين، والحساب ساعتها بيبقى بتعريفة العلاجية 2023 مش بأسعار المستشفى العادية. وكل مستشفى ليها قايمة تعاقدات لوحدها — القايمتين مش نفس القايمة، فاتصل يأكدولك شركتك على أنهي نظام قبل ما تيجي.

القاعدة عندنا إن مفيش حاجة بتتعمل غير وإنت عارف تكلفتها. ولو الحالة احتاجت إجراء استثنائي خارج المتفق عليه، ده بيتوضح للأهل قبل ما يتنفذ مش بعده. وبتاخد فاتورة تفصيلية بالمستندات في الآخر.

إنسان منظومة رعاية صحية خاصة، وفيها مستشفيين بالظبط: مستشفى المستقبل التخصصي في مصر الجديدة بالقاهرة، ومستشفى الدلتا الدولي في طنطا بالغربية. المستشفيات هي اللي بتقدّم الخدمة، وإنسان هي المنظومة اللي بتديرها وبتحط معاييرها.

تقدر تحجز على الخط الساخن أو واتساب أو ماسنجر. مستشفى المستقبل التخصصي: 01122224352 / 01151001177، وواتساب 01151001177. مستشفى الدلتا الدولي: 01217778869 / 01500668657، وواتساب 01217778869. ولو مش عارف تروح لأنهي مستشفى، كلّم خط إنسان 01500668657 / 01100755556 وهما يوصّلوك.

العيادات الخارجية في مستشفى المستقبل التخصصي من 10 الصبح لـ10 بالليل. والجمعة مفيش عيادات في الجدول في المستشفيين. بس كل عيادة ليها يومها وساعتها هي، فالأحسن تتصل بالخط الساخن يأكدلك ميعاد العيادة اللي إنت محتاجها بالظبط قبل ما تتحرك.

لأ خالص. مش كل العيادات مواعيدها معلنة، وفي عيادات مواعيدها بتتحدد حسب الحالة. سيبلنا رقمك وحد من المستشفى هيكلمك ويظبط معاك ميعاد العيادة اللي إنت عايزها.

أيوه، عندنا خط مخصص للعناية المركزة والطوارئ: 01100002153 و01100002154 — شغال 24 ساعة طول أيام السنة، بالإضافة للخط الساخن العام بتاع المستشفى.

الطوارئ مفتوحة 24 ساعة طول أيام السنة، وهي المكان الصح للحالات المفاجئة اللي محتاجة تدخل فوري — وأول ما توصل بيتعمل فرز على طول. العيادات الخارجية مكانها الحالات المخططة والمتابعة والتشخيص اللي مش مستعجل. ولو مش متأكد حالتك من أنهي نوع، اتصل بالخط الساخن وهما يوجّهوك.

أيوه. كشف الطوارئ مجاني لأي حد فوق 55 سنة، وللأطفال من يوم لحد 10 سنين، ولأي حد بييجي بعد الساعة 12 بالليل. بس خلي بالك إن ده الكشف بس — التحاليل والأشعة والأدوية والإجراءات بتتحاسب عادي.

أخصائي طوارئ هو اللي يشوفك الأول، وفوراً بيدخل معاه استشاريين من أي تخصص حالتك تحتاجه — قلب، جراحة، عظام، أطفال، نسا وتوليد. مش دكتور واحد لوحده.

أيوه. بنتصل بيك خلال 24 لـ48 ساعة من خروجك من الطوارئ نطمن على حالتك ونتأكد إنك مستقر.

أول حاجة عندنا هي تثبيت حالة المريض، وده مبيتوقفش عشان الكلام ده. وفي نفس الوقت الفريق الإداري بيقعد معاكم يشوف الحلول المتاحة — تقسيط أو دعم مجتمعي — بصراحة ومن غير وعود مش حقيقية.

في الدلتا الدولي أسعار التحاليل والأشعة ماشية على تعريفة مؤسسة العلاجية المنشورة سنة 2023 — يعني جدول معلن من برة، مش المستشفى اللي بتحطه. في المستقبل التخصصي الأسعار خاصة بالمستشفى ومحسوبة اقتصادية. والرقم بالظبط بيتأكدلك من المستشفى قبل ما تعمل الفحص.

أيوه، المعمل شغال 24 ساعة في المستشفيين — صورة دم ومناعة، فيروسات، هرمونات، وظايف وتحاليل كيميائية، مزارع، وباثولوجي وسيتولوجي.

هات أي أشعة قديمة، وتحاليل، وأي تقارير أو ورق طبي معاك من قبل كده. ولو بتاخد أدوية، هات العلب نفسها أو صورة ليها. الورق ده بيوفر عليك وقت وبيخلي الدكتور شايف الصورة كاملة من أول لحظة.

هتلاقي حد. العلاقات العامة وموظف رضا المرضى بيستقبلوك بنفسهم، ولو محتاج تحاليل أو أشعة بيمشوا معاك عشان الموضوع يعدي بسهولة من غير ما تلف وتسأل. وبعد الزيارة، قسم المتابعة بيتصل بيك يظبط معاك ميعاد المراجعة.

أيوه، وإحنا بنشجّع عليه. الرأي التاني والتالت في أي قرار طبي كبير أو أي عملية بيتظبطلك من غير أي حساسية، وتقدر تحجز استشارة مع أساتذة الجامعة اللي بيشتغلوا معانا.

بيتفتحلك ملف طبي إلكتروني من أول زيارة وبيفضل معاك. يعني الزيارة الجاية الفريق شايف اللي حصل قبل كده، ومش هتحكي كل حاجة من أول وجديد.

الباقة 7000 جنيه في اليوم شاملة، في المستشفيين — الأدوية والمستلزمات والتحاليل والأشعة والإقامة والخدمة الطبية والمتابعة والأطباء والاستشاريين والتمريض على مدار الساعة، وفق حالة المريض والبروتوكول الطبي. ولو الحالة محتاجة جهاز تنفس صناعي بتبقى 8000 جنيه في اليوم بنفس نظام الباقة. من غير عداد مفتوح.

لأ، ومش هنقولك غير الصح. التوافر بيتأكد لحظياً من الخط الساخن بس — الخط هيأكدلك التوافر في نفس المكالمة، ولو مش متاح هيقولك بصراحة ويوجّهك.

الأهل عندنا جزء من منظومة الرعاية مش زوار. بنشرح الحالة والخطة والتطورات أول بأول، وبنرد على أسئلتكم — مش هتفضلوا برة الصورة. والصراحة جزء من ده، حتى لما الكلام يكون صعب.

يوم الحالات المتخصصة كل أحد في مستشفى المستقبل بمصر الجديدة، وكل خميس في مستشفى الدلتا بطنطا، وكله تحت إشراف أستاذ دكتور. وفي باقة بـ9000 جنيه شاملة الكشف والتخدير والإقامة والأدوية والمتابعة، والليزر لو الدكتور قرر إنه الأنسب لحالتك — ودي للحالات المناسبة للباقة وفقًا للشروط الطبية المعتمدة.

للحالات المناسبة، التقييم والإجراء بيتموا في نفس اليوم. الدكتور بيكشف الأول، ولو حالتك مناسبة الإجراء بيتم في نفس اليوم بالباقة الشاملة.

متتكسفش خالص — دي من أكتر الحالات اللي بتيجينا، ومعظم اللي بييجوا كانوا مأجلين سنين لنفس السبب. بالنسبة للدكتور دي حالة طبية زي أي حالة بيشوفها كل يوم، والكشف في عيادة خاصة تمامًا، وكل كلامك معانا سري.

فعلاً في حالات بتتعالج تحفظي من غير أي تدخل، ولو حالتك كده الدكتور هيقولها بصراحة. إحنا مش بنبيع عمليات — لو مش محتاج، هيقولك مش محتاج.

برنامج كشف استشاري مخصص لكبار السن من 55 سنة فأكثر، وشغال في المستشفيين. اللي بيميزه إن الاستشاري بياخد وقته معاك، وبيراجع كل الأدوية مع بعض في مرة واحدة، وبيفتحلك ملف طبي يفضل فاكر كل حاجة للزيارات الجاية، والتحاليل والأشعة في نفس المكان فمفيش لف. ولو سنك أقل من 55، تقدر تحجز في العيادات العادية عادي وإحنا نساعدك.

لأ خالص — نص يوم بس. بتدخل الصبح، وتقعد في غرفة مخصصة، والفريق هو اللي بيعدي عليك مش إنت اللي بتلف عليهم: أوعية دموية، باطنة وسكر، تغذية علاجية، علاج طبيعي، فريق جروح وتمريض، ودعم نفسي. الفحوصات بتتعمل جوه المستشفى، وتمشي بتقييم متكامل وخطة علاج في نفس اليوم. البرنامج كل اتنين في الدلتا بطنطا، وكل أربعاء في المستقبل بمصر الجديدة.

كله بيخلص في زيارة واحدة — من 3 لـ4 ساعات في البرنامج الأساسي، ولحد نص يوم في أعلى برنامج، وفيه جناح مخصص ووجبة وراحة بين الفحوصات. وبتمشي بتقرير طبي وملف طبي إلكتروني وخطة، ومعاها متابعة بعد ما النتايج تظهر. أسعار البرامج بتتأكدلك وقت الحجز.

لأننا بناخد 5 حالات بس في الأسبوع. كل حالة بتاخد يوم كامل مع أكتر من استشاري، فالعدد محدود عشان الوقت ده يبقى حقيقي مش على الورق. سيبلنا رقمك ونرتبلك أقرب موعد متاح فعلاً.